چىقىپ كېلىمەن

رېئاللىقنىڭ چۆچەكلىرىدىن

سۆيگەنلەرنىڭ مۇھەببىتىدىن

سۆيمىگەنلەرنىڭ نەپرەتلىرىدىن.

ناخشا ئېيتىمەن

ئەڭ سەمىمى ئۈمۈتلىرىمدىن

چوڭقۇر-چوڭقۇر سۈكۈتلىرىمدىن.

قولۇمنى سوزىمەن

رېئاللىقتا مەۋجۇت بولمىغان

ماڭا تەۋە بەخىتلەر تامان.

دۇئا قىلىمەن

سۆيۈلۈشكە مۇيەسسەر بولغان

كىشىلەرنى بولسا دەپ ئامان.

پۇل سۇلالىسىنىڭ پەشتاقلىرىدا

سېتىلىۋاتقان ئېتىقات

مۇھەببەتكە سوۋغا -مەسخىرەم.

ۋاقىت سەلتەنەتلىرىگە قارايمەن جىمجىت

ئۆلىۋاتقان ئۆزۈمگە ۋە ھەم.